ఇది నిజమని
యిది కల అని
అది ఏదో అని
ఇది అదేనని
ఈ కన్ఫ్యుసన్
తెలిసికోవడమే
సాధన

అవార్డు

ఒకరు నాట్యంలో రాణి
మరొకరు సంగీత జ్ఞాని
ప్రమాదం లో నాట్య రాణి కాళ్ళు
సంగీత జ్ఞాని గొంతు పోయాయి
ఇది మాత్రమే అయితే నిరాశ
నర్తకి గాయని కాగా
గాయని నర్తకి అయింది
ఇది ఆశల పల్లకి

అన్వేషణ

జీవించడం అర్ధసత్యం
మరణించడం సంపూర్ణ సత్యం
మద్య జరిగే నటనా ఘటనలు
అవే అవే నగ్నసత్యాలు

దైవత్వం అంటే ఏమిటో తెలిసిందని మురిసిపోయా
అందరినీ అర్ధం చేసుకున్నా
ఇంతలో తెలిసింది
నన్ను నేను తెలిసోకోలేదని....